Զինծառայողների ապահովագրության հիմնադրամը, որի շահառուներն են զոհված և անհետ կորած զինծառայողների ընտանիքներն ու առաջին և երկրորդ կարգի հաշմանդամություն ունեցող զինծառայողները, Արցախյան երկրորդ պատերազմից հետո իրականացնել է շուրջ 43 միլիարդ դրամի փոխհատուցում կամ, ինչպես ասում է հիմնադրամի տնօրեն Վարուժան Ավետիքյանը, պատերազմի հետևանքների փոխհատուցումների մեծ մասն արդեն արվել է։
ՍիվիլՆեթը հետաքրքվել է, թե որքան շահառու ունի հիմնադրամը, ինչպես են հավաքագրվում գումարներն ու ինչ է պատրաստվում անել հիմնադրամը փոխհատուցումներն իրականացնելուց հետո։
