Ազգային ժողովի «Քաղաքացիական պայմանագիր» խմբակցության պատգամավոր Լենա Նազարյանն օգոստոսի 11-ին անդրադարձավ կոռուպցիոն գործերով պետական վնասի վերականգնման դեպքերին՝ խոսելով Սերժ Սարգսյանի եղբայր Ալեքսանդր Սարգսյանի կողմից պետությանը վերադարձրած գումարին։
-
Իրան-Իսրայել լարվածությունն արտահանման և ներկրման խնդիրներ է առաջացրել․ Պապոյան
Իրանի և Իսրայելի միջև աճող լարվածության ֆոնին հայաստանյան մի շարք տնտեսվարողներ արդեն իսկ լոգիստիկ խնդիրների առաջ են կանգնել: Այս մասին հայտարարեց էկոնոմիկայի նախարար Գևորգ Պապոյանը՝ Ազգային ժողովի տնտեսական հարցերի հանձնաժողովում՝ 2024-ի բյուջեի կատարողականի քննարկման ընթացքում։ «Մի շարք բեռներ կան, որոնք հիմա Բանդարաբաս նավահանգստում կանգնած են, դեռ դուրս չեն եկել, մի շարք բեռներ ճանապարհներին են կանգնած։ Մեր ներմուծողները, որոնք Իրանից կամ Իրանի տարածքով այլ երկրներից ներմուծում են կատարում, այս պահին բազմաթիվ խնդիրներ ունեն», – ասաց Պապոյանը։ ԱԺ պատգամավոր Սերգեյ Բագրատյանը նախարարից հետաքրքրվեց՝ արդյոք կառավարությունը քննարկում է տնտեսության խնդիրների լուծմանն ուղղված օպերատիվ շտաբի ստեղծման հարցը՝ նկատի ունենալով սահմանային խնդիրների խորացման հնարավոր ռիսկերը։ […]
-
Վարչապետի ավտոշարասյան վրաերթը. Արամ Նավասարդյանը մեղադրանքը չի ընդունում
Հունիսի 13-ին Երևանի առաջին ատյանի ընդհանուր իրավասության դատարանում տեղի ունեցավ հղի Սոնա Մնացականյանի վրաերթի գործով դատական նիստը, որի ընթացքում մեղադրյալ Արամ Նավասարդյանը հայտարարեց, որ ցանկանում է լրացուցիչ ցուցմունք տալ։ Նա պնդեց, որ իր կողմից սահմանված արագության խախտում թույլ չի տրվել։ Գործի նախապատմությունը 2022-ի ապրիլի 26-ին վարչապետ Նիկոլ Փաշինյանի ավտոշարասյան մեքենաներից մեկը Երևանում՝ Լեո և Պարոնյան փողոցների խաչմերուկում վրաերթի ենթարկեց 31 շաբաթական հղիություն ունեցող հետիոտն Սոնա Մնացականյանին։ Ո՛չ Սոնայի, ո՛չ էլ նրա առաջնեկի կյանքը փրկել չհաջողվեց։ Դեպքը տեղի ունեցավ, երբ Փաշինյանը շտապում էր Ազգային ժողով «Քաղաքացիական պայմանագիր» խմբակցության հետ հանդիպմանը։ Դեպքը լայն արձագանք ստացավ հանրության շրջանում։ Հատկանշական է, որ երիտասարդ կնոջ […]
-
Բերման ենթարկված 11 անձ, ծառայությունից ազատված 1 ոստիկան․ բողոքի ակցիա
Կոտայքի մարզի Քասախ համայնքում բնակիչներն այսօր բողոքի ակցիա են անցկացրել՝ պահանջելով վերականգնել Երևան-Քասախ երթուղին սպասարկող թիվ 59 ավտոբուսի աշխատանքը։ Ակցիայի ընթացքում մի խումբ քաղաքացիներ փորձել են փակել մայրուղին, ինչի հետևանքով ոստիկանությունը 11 անձի բերման է ենթարկել։ Բողոքի ժամանակ ոստիկանության ծառայողը բռնություն է կիրառել ակցիան լուսաբանող լրագրողի նկատմամբ՝ խոչընդոտելով նրա մասնագիտական գործունեությունը։ Հայաստանի մարդու իրավունքների պաշտպանի աշխատակազմը միջադեպը արձանագրել է մշտադիտարկման շրջանակում։ Պաշտպան Անահիտ Մանասյանը խստորեն դատապարտել է ոստիկանության նման վարքագիծը և ընդգծել, որ լրագրողների աշխատանքը պետք է ապահովվի անվտանգ պայմաններում։ Այնուհետև ՆԳՆ մամուլի խոսնակ Նարեկ Սարգսյանը հայտնել է, որ միջադեպին մասնակցած ոստիկանն ազատվել է ծառայությունից։ Քասախի բնակիչները նախկինում օգտվում էին […]
-
«Man»-երն ամենաշատն են խափանվում․ Ավինյանը չի բացառում համագործակցության դադարեցումը
Man մակնիշի ավտոբուսների տեխնիկական խոտանների տոկոսը մնում է բարձր, իսկ պահեստամասերի մատակարարման խնդիրները շարունակում են անհանգստացնել։ Անցած շաբաթվա ընթացքում ընդհանուր 87 միավորից 10 միավորն անսարք է եղել։ Այս մասին հայտնել է «Երևանի ավտոբուս» փակ բաժնետիրական ընկերության տնօրեն Բեգլար Կիրակոսյանը Երևանի քաղաքապետարանի գործակարգավարական խորհրդակցության ժամանակ։ «Հաշվետու շաբաթվա ընթացքում 76 երթուղիներում փաստացի սպասարկել է ընդհանուր թվով 4579 շարժակազմ, նախատեսված 4691-ի փոխարեն, 112-ով պակաս կամ մինուս 2,4%։ Man մակնիշի 87 միավորից՝ 10 միավորն է անսարք եղել, Ժոնգթոնգ մակնիշի 562 միավորից՝ 7 միավորը, Հայգեր մակնիշի 103 միավորից՝ 9 միավորը, փոքր դասի միկրոավտոբուս 100 միավորից՝ 14 միավորը»,- հայտարարել է Կիրակոսյանը։ Նրա խոսքով՝ Man մակնիշի ավտոբուսները […]
-
Իրանի նախագահն իր ժողովրդին կոչ է արել համախմբվել․ հակամարտությունը շարունակվում
Իրանի նախագահ Մասուդ Փեզեշքիանը դատապարտել է իսրայելական գործողությունները, որոնք թիրախավորել են իրանցի հրամանատարներին, գիտնականներին և խաղաղ բնակիչներին՝ դրանք բնորոշելով որպես «պետական հովանավորչությամբ ահաբեկչություն»։ Փեզեշքիանն այս մասին հայտարարել է Մեջլիսի նիստի ընթացքում, հաղորդում է IRNA-ն։ «Թշնամին չի կարող մեզ ոչնչացնել՝ չարաշահելով հարվածները, սպանությունները և ահաբեկչությունները։ Ամեն մի հերոսի վայր ընկնելուց հետո հարյուրավոր նոր հերոսներ են բարձրացնում դրոշը։ Նրանք կկանգնեն այդ դաժանության, դավաճանության ու հանցագործությունների դեմ։ Մեր ժողովուրդն արդեն ապացուցել է, որ զերծ է նման դավից»,- ասել է նախագահը։ Փեզեշքիանը շեշտել է, որ Իրանը երբեք չի եղել հարձակվող կողմն ու այժմ առավել քան երբևէ անհրաժեշտ է ներքին միասնություն։ «Մենք հարձակվող չենք։ Այսօր, […]
-
Իսրայելի պաշտպանության նախարարը սպառնացել է Թեհրանի բնակչությանը
Իսրայելի պաշտպանության նախարար Իսրայել Կացը զգուշացրել է, որ Իրանի մայրաքաղաքի բնակիչները «կվճարեն» Իսրայելի քաղաքացիական բնակչության վրա Իրանի կողմից իրականացված հարվածների համար, որոնք տեղի են ունեցել գիշերային հրթիռային հարձակումների հետևանքով, որոնց հետևանքով զոհվել է առնվազն հինգ մարդ, իսկ տասնյակները վիրավորվել են։ Կացը իր տելեգրամյան ալիքում գրառում է կատարել՝ ուղղված Իրանի գերագույն առաջնորդ Ալի Խամենեին. «Թեհրանից հպարտացած բռնապետը վերածվել է վախկոտ մարդասպանի, որը դիտավորյալ կրակ է բացել Իսրայելի քաղաքացիական թիկունքի վրա՝ փորձելով կանգնեցնել մեր բանակի գործողությունները, որոնք ոչնչացնում են նրա հնարավորությունները»։ Նա հավելել է. «Թեհրանի բնակիչները կվճարեն գինը՝ և շուտով»։ Հունիսի 13-ի գիշերը լույսը չբացված Իսրայելը հարվածել է Իրանին։ Չորրորդ օրն է […]
-
Իսրայելը հարվածել է Թեհրանում Ղոդս ուժերին պատկանող օբյեկտներին
Իսրայելի ռազմաօդային ուժերը հարվածներ են հասցրել Իրանի Իսլամական հեղափոխության պահապանների կորպուսի (ԻՀՊԿ) «Ղոդս» հատուկ ստորաբաժանման հրամանատարական կենտրոններին, հաղորդում է Իսրայելի Պաշտպանության բանակը (IDF)։ «Այս կենտրոններում «Ղոդս»-ի անդամները Մերձավոր Արևելքում Իրանի ռեժիմի գործակալների միջոցով իրականացրել են ահաբեկչական հարձակումների պլանավորում՝ ուղղված Իսրայելի դեմ»,- հայտարարել է IDF-ի խոսնակը։ Իսրայելի Պաշտպանության բանակի հրապարակած տեսանյութում ներկայացված են 10 թիրախներ, որոնք, ըստ նրանց, պատկանում են «Ղոդս» ստորաբաժանմանն ու Իրանի ռազմական համակարգին և տեղակայված են Թեհրանում։ «Ղոդս» ուժերը ԻՀՊԿ-ի ազդեցիկ ստորաբաժանումներից են, ստեղծվել են 1980-ականներին՝ Իրաքի և Իրանի պատերազմի ժամանակ՝ որպես հատուկ հետախուզական ծառայություն։ Ստորաբաժանումը կենտրոնական դեր ունի Իրանի հարաբերություններում Աֆղանստանի, Իրաքի, Լիբանանի, Սիրիայի և Գազայի հատվածի […]
-
Իրանը պատասխան հրթիռներ է արձակել Իսրայելի ուղղությամբ
Իրանը բալիստիկ հրթիռներ է արձակել Իսրայելի ուղղությամբ՝ պատասխանելով Իսրայելի կողմից հարձակմանը։ Այս մասին գրում են թե իրանական, թե իսրայելական լրատվականները։ Նշվում է արձակված 100 բալիստիկ հրթիռի մասին։ Թել Ավիվի կենտրոնում պայթյուններ և ծուխ են նկատվել այնտեղից ուղիղ հեռարձակմամբ նկարահանված կադրերում։ Իրանի Իսլամական հեղափոխության պահապանների կորպուսը հայտնում է պատասխան գործողության մեկնարկի մասին՝ նշելով, որ իրենց թիրախում են իսրայելական ռազմական տասնյակ օբյեկտներ։ Հունիսի 13-ի վաղ առավոտյան Իսրայելն ավիահարվածներ է հասցրել Իրանին։ Հարձակման հետևանքով իրանցի բարձրաստիճան պաշտոնյաներ են զոհվել։ Օրվա ընթացքում իսրայելական կողմը շարունակել է հարվածներ հասցնել Իրանի մի շարք քաղաքների ուղղությամբ։ Հունիսի 13-ի երեկոյան Իրանի գերագույն առաջնորդ Ալի Խամենեին Իրանի ժողովրդին ուղղված […]
