Միացյալ Թագավորությունը 500 000 ֆունտ ստեռլինգ է տրամադրել՝ աջակցելու Լեռնային Ղարաբաղի և հարակից տարածքների ականազերծմանը: Այս մասին հայտնում է Երևանում բրիտանական դեսպանատան ֆեյսբուքյան էջը։
«ՄԱԿ-ի Զարգացման ծրագրին տրված ֆինանսավորումը հնարավորություն կտա դասընթացներ և անձնակազմ տրամադրել՝ աջակցելու Լեռնային Ղարաբաղում և հարակից տարածքներում ականների հեռացմանը և ականապատված տարածքները կիրառման համար անվտանգ դարձնելուն»,- հայտնում են դեսպանությունից։
Միացյալ Թագավորոությունը կոչ է անում այլ երկրներին՝ աջակցելու ՄԱԿ-ի նախաձեռնությանը` օգնելու հակամարտությունից տուժած հազարավոր անձանց նորովի կառուցել իրենց կյանքը և հակամարտության կամ չպայթած զինամթերքի պատճառով իրենց տներից հեռանալուց հետո վերադառնալ տարածաշրջան։
«Լեռնային Ղարաբաղի և հարակից տարածքներն աշխարհում ամենաշատ ականապատված տարածքներից են, որի հետևանքով հաճախ գրանցվում են քաղաքացիական անձանց կյանքեր կորցնելու կամ ճակատագրական վնասվածքներ ստանալու դեպքեր։ ՄԹ նվիրատվությունը կօգտագործվի ՄԱԿ-ի փորձառությունից օգտվելու և Հայաստանում և Ադրբեջանում քաղաքացիական անձանց կյանքին սպառնացող վտանգը նվազեցնելու համար` դասընթացներ և ականազերծման տեխնիկական աջակցություն տրամադրելով նրանց, ովքեր օգնում են տարածքն ավելի անվտանգ դարձնել: Սակայն դեռ շատ աշխատանք կա անելու։ Ուստի մենք դիմում ենք մեր միջազգային գործընկերներին՝ աջակցելու հավաքական ջանքերին, նպատակ ունենալով տարածաշրջանում բոլորի համար անվտանգություն ապահովել»,- ասել է Միացյալ Թագավորության Եվրոպական հարևանության և Ամերիկայի հարցերով նախարար Ուենդի Մորթընը։
