Հայաստանի ղեկավարության Արցախ չայցելելը «քաղաքական որոշում է եղել»։ Այս մասին կառավարության նիստից հետո լրագրողների հետ ճեպազրույցում ասել է Բարձր տեխնոլոգիական արդյունաբերության նախարար Վահագն Խաչատրյանը՝ պատասխանելով լրագրողի հարցին, թե ինչու բարձրագույն իշխանությունն այսօր՝ Արցախի անկախության 30-րդ տարեդարձին, Արցախ չի այցելել։
«Ուրեմն, որոշում կա, տենց ա պետք, քաղաքական որոշում ա կայացվել էդ ձևով անել։ Ինչ-որ ուրիշ բաներ մի փնտրեք, նորմալ ա։ Կարծում եմ՝ որևէ խնդիր չկա։ ՀՀ իշխանությունը, կառավարությունը որոշել է այսօրվա հետ կապված միջոցառումներն այդ ձև անել»,- նշել է Խաչատրյանը։
Լեռնային Ղարաբաղի Հանրապետության անկախության հռչակման հոբելյանական 30-ամյակին Արցախում էր Հայաստանի խորհրդարանի պատվիրակությունը՝ փոխնախագահ Ռուբեն Ռուբինյանի ղեկավարությամբ:
Արցախյան 44-օրյա պատերազմից հետո վարչապետ Նիկոլ Փաշինյանը որևէ անգամ չի մեկնել Արցախ։
https://www.civilnet.am/news/631145/%d5%ab%d5%b6%d5%b9%d5%b8%d5%9e%d6%82-%d6%83%d5%a1%d5%b7%d5%ab%d5%b6%d5%b5%d5%a1%d5%b6%d5%a8-%d6%87-%d5%b9%d5%ab-%d5%a1%d5%b5%d6%81%d5%a5%d5%ac%d5%b8%d6%82%d5%b4-%d5%a1%d6%80%d6%81%d5%a1%d5%ad-%d5%af%d5%a1%d5%bc%d5%a1%d5%be%d5%a1%d6%80%d5%b8%d6%82%d5%a9%d5%b5%d5%b8%d6%82%d5%b6%d5%a8-%d5%b9%d5%ab-%d5%ba%d5%a1%d6%80%d5%a6%d5%a1%d5%a2%d5%a1%d5%b6%d5%b8%d6%82%d5%b4/
