Այսօր՝ 23 սեպտեմբերին Ռաֆայէլ Արք. Մինասեան ընտրուեցաւ Տանն Կիլիկիոյ Կաթողիկէ Հայոց Կաթողիկոս Պատրիարք, ստանալով Գերերջանիկ Ռաֆայէլ Պետրոս ԻԱ Մինասեան անունը։
«Ֆրանչիսկոս Սրբազան Քահանայապետին կողմէ 22 եւ 23 սեպտեմբերին Հռոմի մէջ գումարուած Տանն Կիլիկիոյ Պատրիարքական Հայ Կաթողիկէ Եկեղեցուոյ եպիսկոպոսներու սիւնհոդոսը ընտրեց Տանն Կիլիկիոյ Կաթողիկէ Հայոց Պատրիարքը յանձինս Արհ. Տ. Ռաֆայէլ Արքեպիսկոպոս Մինասեանին, տիտղոսաւոր Կապադովկիան Կեսարիոյ Հայոց և Առաջնորդ Հայաստանի, Վրաստանի, Ռուսաստանի և Արևելեան Եւրոպայի Կաթողիկէ Հայոց: Նորընտրեալ Պատրիարքը առաւ Գերերջանիկ Ռաֆայէլ Պետրոս ԻԱ Մինասեան անունը», այս առիթով հաղորդագրութեամբ մը յայտարարեց Վատիկանի մամլոյ գրասենեակը։
