Խաղաղության հաստատման տրամաբանության շրջանակում պետք է կարգավորենք հարաբերությունները Թուրքիայի հետ․ այսօր լրագրողների հետ զրույցում ասել է Անվտանգության խորհրդի քարտուղար Արմեն Գրիգորյանը։
Նա ասել է, որ այդ կարգավորումը պետք է լինի աստիճանական։
«Մենք համոզված ենք, որ այդ հարաբերությունների կարգավորման հնարավորություններից մեկը նաև բարձրագույն մակարդակում երկխոսություն ունենալն է»,- ասել է Գրիգորյանը։
https://www.civilnet.am/news/633314/%d5%a1%d6%80%d5%a4%d5%b5%d5%b8%d6%82%d5%b6%d5%a1%d5%be%d5%a5%d5%bf-%d5%a1%d5%b7%d5%ad%d5%a1%d5%bf%d5%a1%d5%b6%d6%84%d5%ab-%d5%a4%d5%a5%d5%ba%d6%84%d5%b8%d6%82%d5%b4%d5%9d-%d5%b0%d5%a1%d5%b5%d5%a1%d5%bd%d5%bf%d5%a1%d5%b6%d5%a8-%d5%ba%d5%a1%d5%bf%d6%80%d5%a1%d5%bd%d5%bf-%d5%af%d5%ac%d5%ab%d5%b6%d5%ab-%d5%a9%d5%b8%d6%82%d6%80%d6%84%d5%ab%d5%a1%d5%b5%d5%ab-%d5%b0%d5%a5%d5%bf-%d5%a2%d5%a1%d6%80%d5%b1%d6%80%d5%a1%d5%a3%d5%b8%d6%82%d5%b5%d5%b6-%d5%b4%d5%a1%d5%af%d5%a1%d6%80%d5%a4%d5%a1%d5%af%d5%b8%d5%be-%d5%b0%d5%a1%d5%b6%d5%a4%d5%ab%d5%ba%d5%b4%d5%a1%d5%b6%e2%80%a4-%d5%a3%d6%87%d5%b8%d6%80%d5%a3%d5%b5%d5%a1%d5%b6/
Նրա խոսքով՝ Թուրքիայի կողմից առաջ քաշված նախապայմաններով հարաբերություններ սկսելը շատ դժվար կլինի։
Լրագրողի հարցին, թե հայկական կողմը Թուրքիայի առաջ քաշած ի՞նչ պայմաններ է միտված բավարերելու, որպեսզի Թուրքիայի հետ երկխոսությունը սկսի, Արմեն Գրիգորյանը պատասխանել է․ «Հայկական կողմը բազմիցս հայտարարել է, նույնիսկ մեզնից առաջ՝ նախորդ իշխանությունների օրոք, որ Թուրքիայի հետ հարաբերությունները պետք է կարգավորել առանց նախապայմանների, որովհետև եթե նախապայմաններ են լինում, դժվար է լինում առաջ գնալ։ Մենք հույս ունենք, որ հարաբերությունների կարգավորումը կլինի առանց նախապայմանների և հնարավորություն կլինի երկխոսություն սկսել առանց դրանց։ Գոյություն ունեցող բոլոր հարցերը հետագայում քննարկելի են, բայց նախապայմաններով հարաբերություններ սկսելը շատ դժվար կլինի»։
