«Հոգով մարտիկը»․ զոհված Էրիկ Մովսիսյանի ծնողների հուշերը

«Էրիկն այս հունիսին արդեն տուն կվերադառնար, չեմ կարող բացատրել, թե ինչ հոգեվիճակով էի այդ օրը Եռաբլուրում»,- արցունքն աչքերին՝ ասում է տղայի մայրն ու հիշում որդու հետ կապված ամեն մանրուք։ Հայրն էլ ավելացնում է՝ հոգով մարտիկ էր Էրիկը, ու ոչինչ իր կյանքում չմտածված չարեց։ 19-ամյա Էրիկ Մովսիսյանը զոհվեց Արցախյան երկրորդ պատերազմում՝ կիսատ թողնելով ծնողների երազանքները։ Պատերազմից մեկ տարի անց նրա ծնողները հիշում են որդուն ու իրենց զավակների ու թոռների համար ամուր ու հզոր հայրենիք ուզում։