Թուրքիան չի կարող «ոչ» ասել Ադրբեջանին և առանց նրա բանակցել Հայաստանի հետ․ Ջենգիզ Աքթար

Թուրքիան թեպետ տեսականորեն կարող է կարգավորել հարաբերությունները Հայաստանի հետ, սակայն քաղաքականապես և գործնականում դա հնարավոր չէ: ՍիվիլՆեթի Գեորգի Միրզաբեկյանի հետ զրույցում նման կարծիք է հայտնել թուրք քաղաքագետ Ջենգիզ Աքթարը: Նա շեշտադրում է Ադրբեջանի գործոնը՝ նշելով, որ վերջինը Թուրքիայում հսկայական ներդրումներ է կատարել և դրանով կախման մեջ դրել Անկարային: «Ադրբեջանը Թուրքիայի համար կանաչ լույս չի վառի, քանի դեռ իր հետապնդած նպատակներում Անկարայից աջակցություն չստանա»,- ասել է Աքթարը՝ հնարավոր չհամարելով Բաքվից անկախ Թուրքիա-Հայաստան հարաբերությունների օրակարգը: Քաղաքագետի խոսքով՝ Նախիջևանի ճանապարհը Հայաստանի ձեռքին կարող է հաղթաթուղթ լինել, և ճիշտ բանակցությունների միջոցով Հայաստանը կարող է պայմաններ թելադրել: