Հոկտեմբերի 11-ին Մարդու իրավունքների եվրոպական դատարանի Մեծ պալատը, արձագանքելով ադրբեջանական կողմի բողոքին, անփոփոխ է թողել այս տարվա մայիսի 20-ի իր որոշումը, ըստ որի՝ Ադրբեջանի իշխանությունները մեղավոր էին ճանաչվել բլոգեր Ալեքսանդր Լապշինի ապօրինի ազատազրկման, կտտանքների և մահափորձի համար։ Մայիսին դատարանը պարտավորեցրել էր Բաքվին Լապշինին վճարել 30 հազար եվրոյի փոխհատուցում։
https://www.civilnet.am/news/608204/%d5%a1%d5%a6%d5%a1%d5%bf%d5%a5%d5%ac-%d5%b0%d5%a1%d5%b5-%d5%bc%d5%a1%d5%a6%d5%b4%d5%a1%d5%a3%d5%a5%d6%80%d5%ab%d5%b6%d5%a5%d6%80%d5%ab%d5%b6-%d6%87-30-%d5%b0%d5%a1%d5%a6%d5%a1%d6%80-%d5%a5%d5%be%d6%80%d5%b8-%d5%be%d5%b3%d5%a1%d6%80%d5%a5%d5%ac-%d5%ac%d5%a1%d5%ba%d5%b7%d5%ab%d5%b6%d5%ab%d5%b6%e2%80%a4-%d5%a5%d5%be%d6%80%d5%b8%d5%ba%d5%a1%d5%af%d5%a1%d5%b6-%d5%af%d5%a1%d5%bc%d5%b8%d6%82%d5%b5%d6%81%d5%b6%d5%a5%d6%80%d5%b6-%d5%b8%d6%82%d5%aa%d5%a5%d5%b2%d5%a1%d6%81%d5%b6%d5%b8%d6%82%d5%b4-%d5%a5%d5%b6-%d5%b3%d5%b6%d5%b7%d5%b8%d6%82%d5%b4%d5%a8-%d5%a2%d5%a1%d6%84%d5%be%d5%ab-%d5%b6%d5%af%d5%a1%d5%bf%d5%b4%d5%a1%d5%b4%d5%a2/
«Իհարկե, ես ուրախ եմ, որ Ստրասբուրգի դատարանը նման որոշում է կայացրել,- ասել է Լապշինը Deutsche Welle պարբերականի հետ զրույցում և տարօրինակ համարել փաստը, որ Ադրբեջանը դատարան է դիմել գործի վերաքննության համար։ – Չէ՞ որ ՄԻԵԴ-ը, որպես կանոն, դեպքերի 99 տոկոսում, չի հրաժարվում իր նախկին որոշումներից»։
ՄԻԵԴ-ի մայիսյան որոշումից հետո Լապշինը հյուրընկալվել էր ՍիվիլՆեթի տաղավարում և պատմել գործի մանրամասների մասին։
Հոկտեմբերի 12-ին ՍիվիլՆեթի հետ զրույցում բլոգերը տեղեկացրեց, որ դեռ փոխհատուցում չի ստացել, և դժվար թե Ադրբեջանն իր կամքով վճարի այն։
«Ինչպես ասում են իմ փաստաբանները՝ դա կարող է տարիներ տևել, մինչև բավականաչափ բողոքներ հղվեն Եվրոպայի խորհրդի որոշումները չկատարելու հարցով։ Հետո հնարավոր է՝ կալանքներ դրվեն ադրբեջանցիների գույքի վրա և այլն»,- ասաց բլոգերը՝ հավելելով, որ դա անում է ոչ թե գումարի, այլ ռազմագերիների հարցով Հայաստանին աջակցելու համար։
