Ինչպես է ՀՀԿ-ի շենքը Թումանյանից հասել Մելիք-Ադամյան․ մի գործարքի պատմություն

Հայաստանի հանրապետական կուսակցության՝ Մելիք-Ադամյան փողոցում գտնվող շենքը մինչև 2001-ը եղել է Երևանի Թումանյան փողոցի 23/1 հասցեում։ Այն եղել է Համբարձում Սողոմոնյանի անվան կոնյակի գործարանը։ Շենքը պատկանել է Սողոմոնյանի ժառանգներին, այդ թվում՝ Նունե Սողոմոնյանին և Յուրի Պոպովին, որոնք 2018-ից դատարանում վիճարկում են շենքի օտարման գործարքները։ Ըստ Պոպովի փաստաբանի՝ անշարժ գույքը ՀՀԿ-ն գնել է բավական էժան՝ 5,5 մլն դրամով, այնուհետև պետությունից ստացել է 15 անգամ ավելի բարձր փոխհատուցում՝ 193 000 դոլար։