Մարտական հենակետերից մեկում, զինամթերքի հետ անզգույշ վարվելու հետևանքով թեթև վիրավորում է ստացել Զինված ուժերի չորս զինծառայող, հաղորդում է Հայաստանի պաշտպանության նախարարությունը։
«Հոկտեմբերի 28-ին, ժամը 10։00-ի սահմաններում, ՀՀ արևելյան ուղղությամբ տեղակայված ՊՆ N զորամասի մարտական հենակետերից մեկում, զինամթերքի հետ անզգույշ վարվելու հետևանքով թեթև վիրավորում է ստացել ՀՀ ԶՈՒ չորս զինծառայող։ Վիրավորներին անհապաղ ցուցաբերվել է առաջին բժշկական օգնություն»,- ասված է հաղորդագրությունում։
Նախարարությունից հայտնում են, որ կատարվում է քննություն՝ դեպքի հանգամանքները լիարժեք պարզելու համար։
