Պաշտպանության նախարարությունը ավելի վաղ հայտարարել էր, որ ռազմական գործողությունների ժամանակ կորել է կապը 24 զինծառայողների հետ։ Նիկոլ Փաշինյանը ԶԼՄ-երի հետ հարցուպատասխանի ժամանակ հայտարարեց՝ «չճշտված տեղեկությունների համաձայն» այդ 24 զինծառայողները գերեվարվել են Ադրբեջանի կողմից, այդ օրվա գործողությունների հետևանքով ընդհանուր առմամբ գերեվարվել է 32 զինծառայող։
«Բնականաբար վերադարձի ուղղությամբ շատ ինտենսիվ աշխատում ենք»,-վստահեցրել է Փաշինյանը՝ միևնույն ժամանակ շեշտելով, որ քննություն է ընթանալու ու պարզվելու են զինծառայողների գերեվարման հանգամանքները։