2022-ին Ֆրանսիայում նախագահական ընտրությունների մրցարշավի գլխավոր թեկնածուներից Էրիկ Զեմուրը (Eric Zemmour) ժամանել է Հայաստան։
Զեմուրը լուսանկար է հրապարակել՝ դեմքով դեպի Արարատը, և Թվիթերում արել հետևյալ գրառումը․
À la frontière entre l’Arménie et la Turquie, face au Mont Ararat, je veux dire aux Arméniens à quel point ils sont un modèle de résistance depuis des siècles. pic.twitter.com/7E4Ra4ctIn
— Eric Zemmour (@ZemmourEric) December 12, 2021
«Հայաստանի և Թուրքիայի սահմանին՝ դեմքով դեպի Արարատ լեռը, ես ուզում եմ հայերին ասել, թե ինչպես են նրանք դարեր շարունակ եղել դիմադրության մոդել»։
Զեմուրն այցելել է նաև Ծիծեռնակաբերդ, ծաղկեպսակ դրել Մեծ եղեռնի զոհերի հուշահամալիրում։
Sur les lieux de mémoire du génocide arménien. Les grandes tragédies ne s’effacent jamais. pic.twitter.com/UHsexSmlNs
— Eric Zemmour (@ZemmourEric) December 12, 2021
«Հայոց ցեղասպանության հիշատակի վայրում։ Մեծ ողբերգությունները երբեք չեն անհետանում»,- գրառում է արել նա Թվիթերում:
Զեմուրը լուսանկարներ է հրապարակել նաև Խոր Վիրապից։
#Zemmour : « L’#Arménie nous donne une leçon, une leçon que nous avons oublié en France… nous avons oublié d’être fidèle à nos racines, nos racines chrétiennes » 🇦🇲🇫🇷 pic.twitter.com/Mf1L0vo54H
— Mouradian Musho ⓩ (@Mouradian_) December 12, 2021
Էրիկ Զեմուրի մասին
Էրիկ Զեմուրը աջ ծայրահեղական քաղաքական գործիչ է։ Նա նաև լրագրող է, էսեիստ, գրող և փորձագետ: Զեմուրը 2019-2021 թվականներին ֆրանսիական CNews ալիքում վարել է Face à l’Info հաղորդումը։
Էրիկ Զեմուրը հայտնի է Ֆրանսիայում ներգաղթի և իսլամի վերաբերյալ իր հակասական հայացքներով: Նա համարում է, որ Ֆրանսիայի բնիկ բնակչությունը փոխարինվելու է ոչ եվրոպացիներով: 2011-ին Զեմուրը տուգանվել է ռասայական խտրականություն հրահրելու, իսկ 2018-ին՝ մուսուլմանների նկատմամբ ատելություն սերմանելու համար, թեև նրա դատավճիռը սպասում է Մարդու իրավունքների եվրոպական դատարանի վերանայմանը: Նա վեց անգամ արդարացվել է նմանատիպ մեղադրանքներով՝ 2008, 2014 (երկու անգամ), 2016, 2017 և 2019 թվականներին։
Ֆրանսիայի նախագահական ընտրություններին մասնակցելու իր մտադրության մասին Զեմուրը հայտարարել է նոյեմբերի 30-ին։ Օրեր առաջ՝ դեկտեմբերի 5-ին, նա հիմնել է Reconquête քաղաքական կուսակցությունը։
Ընտրությունների մասին նախնական հարցումները ցույց են տալիս, որ նա կարող է անցնել երկրորդ փուլ, ինչը բրիտանական The Guardian-ը որակել է «փոփոխական»՝ հաշվի առնելով, որ երեք ամիս առաջ անցկացված սոցիոլոգիական հարցումները ցույց էին տալիս, որ նա 10 տոկոսից պակաս ձայն ստանալու ճանապարհին է:
Զեմուրն ինքն իրեն բնորոշում է որպես գոլիստ և բոնապարտիստ: Նա հանդես է գալիս Ֆրանսիայի քաղաքական համակարգի լայնածավալ բարեփոխումների օգտին: