Բրյուսելում Արևելյան գործընկերության գագաթնաժողովի ավարտից հետո տեղի է ունեցել Հայաստանի վարչապետ Նիկոլ Փաշինյանի, Ֆրանսիայի նախագահ Էմանուել Մակրոնի և Ադրբեջանի նախագահ Իլհամ Ալիևի եռակողմ հանդիպումը, հաղորդում է ՀՀ վարչապետի մամուլի ծառայությունը։ Հանդիպումը կայացել է Ֆրանսիայի նախագահի նախաձեռնությամբ։
Դեկտեմբերի 14-ին Բրյուսելում Արևելյան գործընկերության գագաթնաժողովի շրջանակում Փաշինյանը և Ալիևը հանդիպել էին Եվրոպական խորհրդի նախագահ Շառլ Միշելի նախաձեռնությամբ։