Օդի ջերմաստիճանը դեկտեմբերի 21-24-ի գիշերը աստիճանաբար կնվազի 10-15, ցերեկը՝ 4-6 աստիճանով, հաղորդում է Հայաստանի արտակարգ իրավիճակների նախարարությունը։
«Դեկտեմբերի 20-ին, 22-ի գիշերը առանձին շրջաններում, 21-ին շրջանների զգալի մասում սպասվում են տեղումներ: Դեկտեմբերի 22-ի ցերեկը, 23-24-ը սպասվում է առանց տեղումների եղանակ: Արարատյան դաշտում առավոտյան ժամերին հնարավոր է մառախուղ»,- ասված է հաղորդագրությունում։
Երևանում դեկտեմբերի 20-ի երեկոյան ժամերից, 21-ին ժամանակ առ ժամանակ սպասվում են տեղումներ: Դեկտեմբերի 22-24-ը մայրաքաղաքում սպասվում է առանց տեղումների եղանակ։ Առավոտյան ժամերին հնարավոր է մառախուղ:
