Ֆրանսիայի նախագահի պաշտոնին հավակնող Վալերի Պեկրեսը դեկտեմբերի 22-ին մեկնել է Արցախ։ Այս մասին Թվիթերի իր էջում գրել է France TV-ի լրագրող Ժուլիեն Նենին։
«Վալերի Պեկրեսը մեկնել է Լեռնային Ղարաբաղ։ Այնտեղ նա հանդիպել է տեղի քաղաքական գործիչների հետ։ Անվտանգության նկատառումներով այցը չի լուսաբանվել Հայաստանում ֆրանսիական լրատվամիջոցների մեծ մասի, այդ թվում՝ France TV-ի կողմից»,- գրել է լրագրողը։
Valérie Pécresse s’est rendue aujourd’hui dans le Haut-Karabakh. Elle y a rencontré les responsables politiques locaux. Déplacement qui pour des raisons de sécurité n’a pas pu être couvert par la majorité des médias français présents en Arménie, dont France TV
— Julien Nény (@JulienNeny) December 22, 2021
Վալերի Պեկրեսը Ֆրանսիայի Իլ դը Ֆրանսի շրջանային խորհրդի նախագահն է։ 2022-ի նախագահական ընտրություններում «Հանրապետականների» նախագահի թեկնածուն է։
Դեկտեմբերի 21-ին նրա գլխավորած պատվիրակությունը Հայաստանում հանդիպել էր նախագահ Արմեն Սարգսյանի հետ․ «Այսօր Ֆրանսիան ցանկանում է մասնակցել խաղաղության գործընթացին և օգնել բարեկամ Հայաստանին, որպեսզի նա ոտքի կանգնի ու տոկուն լինի»,- Սարգսյանի հետ հանդիպմանն ասել էր Պեկրեսը։
