Ազգային ժողովի «Պատիվ ունեմ» խմբակցության պատգամավոր Տիգրան Աբրահամյանը ՍիվիլՆեթի Արշալույս Մղդեսյանի հետ զրույցում նշում է, որ Արցախյան հիմնախնդրի համատեքստում ադրբեջանցիների իրավունքների մասին վարչապետ Նիկոլ Փաշինյանի վերջին հայտարարությունները խնդրահարույց են և մեծ հակադրություն են առաջացրել Արցախի քաղաքական դաշտում: Նրա խոսքով՝ Փաշինյանն Արցախի ՊԲ նախկին հրամանատար Սամվել Բաբայանի միջոցով փորձել է պաշտոնանկ անել նախագահ Արայիկ Հարությունյանին:
Պատգամավորը հստակ տեղեկատվություն չունի այդ գործընթացին վարչապետ Փաշինյանի մասնակցության մասին, սակայն նման եզրահանգման է հանգել գործընթացների վերլուծության արդյունքում: Սա, նրա խոսքով, վտանգավոր գործընթաց է, և հաշվի առնելով ներկա պայմաններում Արցախում նախագահական ու խորհրդարանական ընտրությունների անցկացման բարդությունը, կարող է էականորեն նվեզեցնել Արցախի սուբյեկտայնությունը: