Ադրբեջանցիները հրաժարվում են վերադարձնել Տեղ համայնքի բնակչի ոչխարները․ այս մասին ՍիվիլՆեթին ասաց Տեղի համայնքապետի ռազմական գծով տեղակալ Գագիկ Էլյազյանը։
Նրա խոսքով՝ այսօր ադրբեջանցիների կողմից ձերբակալված, ապա ազատ արձակված գյուղացին եկել է գյուղ, բայց ադրբեջանցիները հրաժարվում են ոչխարները վերադարձնել։ «Ասում են, թե իրենց մոտ ոչխար չկա։ Խոսքը 400-450 ոչխարի մասին է»,- նշեց Էլյազյանը։
Այսօր ավելի վաղ բռնությամբ ադրբեջանական կողմում հայտնված Տեղի բնակիչը վերադարձվել է ռուս սահմանապահների և Տեղի համայնքապետարանի ջանքերով։
Տե՛ս նաև՝ Տեղ գյուղի հովիվը հայտնվել է ադրբեջանական հատվածում
Էմիլիա Խաչատրյան, Գորիս