Ադրբեջանի կառավարությունը մտադիր է ջնջել 2020-ի պատերազմի արդյունքում իր վերահսկողության տակ անցած տարածքներում գտնվող մշակութային կոթողների՝ եկեղեցիների հայերեն արձանագրությունները։
Ադրբեջանական կողմը պնդում է, թե իբր եկեղեցիներն աղվանական ժառանգություն են։
Ադրբեջանի մշակույթի նախարար Անար Քարիմովը խոսքով՝ ստեղծվել է աշխատանքային խումբ, որը պատասխանատու կլինի «հայերի կողմից աղվանական հուշարձանների վրա արված կեղծ գրությունները արձանագրելու համար»։
«Մենք աշխատանքային խմբի անդամների հետ պատրաստվում ենք ստուգել այդ վայրերը, և դրանից հետո մեր հետագա քայլերը կձեռնարկենք»,- ասել է Քարիմովը, փոխանցում է APA գործակալությունը։
Ըստ նրա՝ աշխատանքային խումբը բաղկացած է լինելու «ինչպես տեղական, այնպես էլ միջազգային փորձագետներից»։
Կարդացեք նաև՝ Ադրբեջանին անցած տարածքներում եկեղեցիները վտանգված են, Բաքուն արգելակում է ՅՈՒՆԵՍԿՕ-ի դիտորդների այցերը
