Իլհամ Ալիևը հավատում է պաշտոնական Երևանի և Բաքվի հարաբերությունների կարգավորմանը։ Այս մասին Ադրբեջանի նախագահը հայտնել է ռուսական լրատվամիջոցների հետ զրույցում։
«Կարծում եմ, որ Ղարաբաղյան երկրորդ պատերազմից հետո Հայաստանի հետ հարաբերությունները ևս կկարգավորվեն։ Ամեն դեպքում, մենք պաշտոնապես հայտարարել ենք Հայաստանի հետ խաղաղության պայմանագիր կնքելու մասին»,- ասել է Ալիևը՝ հույս հայտնելով, որ «որևէ շրջանում դա տեղի կունենա»։
«Այդուհանդերձ աշխարհաքաղաքական ներկա իրավիճակում մենք պետք է իրատես լինենք, չպետք է ցանկանանք այն, ինչի հասնել հնարավոր չէ, սակայն պարտավոր ենք շարժվել Կովկասում ամուր խաղաղություն հաստատելու ճանապարհով»,- ընդգծել է Ադրբեջանի նախագահը։
