Վերջին երեք շաբաթվա ընթացքում Հայաստանի սահմանը հատել է Ուկրաինայի՝ շուրջ 4 000 քաղաքացի․ այդ մասին մարտի 17-ին հայտնել է Հայաստանում Ուկրաինայի գործերի ժամանակավոր հավատարմատար Դենիս Ավտոնոմովը՝ հավելելով, որ նրանք բոլորը էթնիկ հայեր են։
«Նրանք այստեղ ունեն հարազատներ, ընկերներ ու տուն։ Փաստաթղթերով մենք ունենք մեր քաղաքացիների տեղակայման մասին տեղեկատվություն»,- ասել է Ավտոնոմովը։
Նրա խոսքով՝ առավել դժվար է Հայաստանում Ուկրաինայի քաղաքացիների աշխատանքի տեղավորման հարցը։
Միացյալ ազգերի կազմակերպության տվյալներով՝ Ուկրաինայից փախստականների թիվը հասել է երեք միլիոնի, որից 1,4 միլիոնը երեխաներ են։ Բացի այդ, պատերազմի սկսվելուց հետո երկիրը լքել է երրորդ երկրների՝ շուրջ 157 քաղաքացի։
Գևորգ Թոսունյան