Հայաստանի արտաքին գործերի նախարար Արարատ Միրզոյանը հանդիպել է Հնդկաստանի արտգործնախարար Սուբրամանյամ Ջայշանկարի հետ։
«Շատ հաճելի է Հնդկաստանում ողջունել Հայաստանի արտգործնախարար Արարատ Միրզոյանին։ Անցյալ տարվա հոկտեմբերին (Հայաստան – խմբ․) իմ այցից ի վեր մեծ առաջընթաց է գրանցվել»,- Թվիթերի իր էջում գրել է Հնդկաստանի ԱԳՆ ղեկավարը։
Հանդիպման ընթացքում Միրզոյանն ու Ջայշանկարը քննարկել են առևտրի, մշակույթի և ուսուցման ոլորտներում համագործակցության հարցեր, ինչպես նաև մտքեր են փոխանակել տարածաշրջանային և միջազգային հրատապ խնդիրների շուրջ։
So nice to welcome Armenian FM @AraratMirzoyan in India. Much progress since my visit there last October.
Discussed trade, connectivity, culture and training cooperation.
Also exchanged views on current regional and international issues. pic.twitter.com/VV32J6RH2z
— Dr. S. Jaishankar (@DrSJaishankar) April 25, 2022
Հնդկաստանի արտգործնախարարը Հայաստան էր այցելել 2021-ի հոկտեմբերի 13-ին։ Արարատ Միրզոյանի հետ Սուբրամանյամ Ջայշանկարը քննարկել էր միջազգային տրանսպորտային Հյուսիս-հարավ և Պարսից ծոց-Սև ծով միջանցքների հարցերը։