Հնդկական ընկերությունները շահագրգռված են «Հյուսիս-հարավ» ճանապարհի կառուցմամբ․ այդ մասին ասում է արտաքին գործերի նախարարի տեղակալ Մնացական Սաֆարյանը ՍիվիլՆեթի Արշալույս Մղդեսյանի հետ զրույցում: Սաֆարյանի խոսքով՝ «Հյուսիս-հարավ» տրանսպորտային միջանցքի կառուցման հարցում Հայաստան-Հնդկաստան երկխոսությունում կա որոշակի առաջընթաց: Առաջիկայում անհրաժեշտ կլինի կատարելագործել իրավապայմանագրային դաշտը, ասում է ԱԳ նախարարի տեղակալը։
-
Խաղաղության պայմանագրին հասնելու համար երկար ժամանակ չի պահանջվի, բայց երաշխիքներ
Ադրբեջանի նախագահ Իլհամ Ալիևի կարծիքով խաղաղության պայմանագրին հասնելու համար երկար ժամանակ չի պահանջվի։ «Խաղաղության պայմանագրի հարցում կողմերի միջև դեռևս չկա կոնսենսուս։ Շատ հարցեր, որ ի սկզբանե դնում էր հայկական կողմը, այլևս չկան, դուրս են եկել։ Չեմ ուզում մանրամասնել, քանի որ այն խորհրդապահական փաստաթուղթ է, սակայն խաղաղության պայմանագրին հասնելու համար երկար ժամանակ չի պահանջվի»,- դեկտեմբերի 6-ին Ադրբեջանի դիվանագիտական ակադեմիայում Ղարաբաղի թեմայով անցկացված կոնֆերանսի ժամանակ հայտարարել է Ալիևը։ Ըստ Ալիևի՝ փաստաթղթի աշխատանքային տարբերակը շատ ծավալուն չէ և բաղկացած է առավելագույնը 6-7 էջից։ Ադրբեջանի նախագահը միևնույն ժամանակ նշում է՝ զուտ խաղաղության պայմանագիր կնքելը բավարար չէ, անհրաժեշտ են երաշխիքներ, որ «որ չեն լինի հայկական […]
-
ԱՄՆ-ն Ադրբեջանին կոչ է անում խաղաղության հասնել Հայաստանի հետ
Միացյալ Նահանգները շարունակում է Ադրբեջանի հետ շփումները, որպեսզի հորդորի նրանց խաղաղության հասնել Հայաստանի հետ։ Այդ մասին դեկտեմբերի 5-ին կայացած ճեպազրույցում հայտարարել է ԱՄՆ պետքարտուղարության խոսնակ Մեթյու Միլլերը։ «Մենք շարունակում ենք ուղղակի շփումներն ինչպես Ադրբեջանի, այնպես էլ Հայաստանի հետ, որպեսզի հստակեցնենք, օրինակ, Ադրբեջանի դեպքում, թե ինչ մտահոգություններ ունենք: Մեզ մտահոգում է լրագրողներին կալանավորելու վերջին միտումները։ Մենք շարունակում ենք կոչ անել նրանց հարգել մարդու իրավունքները և հիմնարար ազատությունները: Մենք նաև շարունակում ենք նրանց հետ շփումները, որպեսզի հորդորենք նրանց տևական խաղաղության հասնել Հայաստանի հետ, և մենք դրա վրա կշարունակենք կենտրոնանալ մեր դիվանագիտական շփումների ընթացքում»,- ասել է Միլլերը։ Բաքուն հրաժարվել էր նոյեմբերի 20-ին Վաշինգտոնում […]
-
Ալավերդի․ Քաղաքացիական պայմանագիրը քաղաքապետ կարգեց՝ ոստիկանների պատնեշի հետևում
2022-ի սեպտեմբերի 25-ին Ալավերդիում անցկացված ընտրություններին ավագանու հավասար՝ 13-ական մանդատ էին ստացել Քաղաքացիական պայմանագիրը և Ապրելու երկիրը՝ չհաղթահարելով 50 տոկոսի շեմը: Ապրելու երկիրը կոալիցիա էր կազմել ընդամենը մեկ մանդատ ստացած Հայ ազգային կոնգրես կուսակցության (ՀԱԿ) հետ, և ավագանին քաղաքապետ էր ընտրել Ապրելու երկրի անդամ Արկադի Թամազյանին։ Մեկ տարի անց Քաղաքացիական պայմանագիրը ավագանու արտահերթ նիստով Արկադի Թամազյանին հեռացրեց քաղաքապետի պաշտոնից։
-
Երևանի քաղաքապետարանը հերքում է տրանսպորտի թանկացման լուրը
Երևանի քաղաքապետարանը հերքում է հասարակական տրանսպորտի ուղեվարձի թանկացման մասին լուրը։ Քաղաքապետի խոսնակ Հայկ Կոստանյանը Ֆեյսբուքի իր էջում գրում է, որ ներկայումս նման քննարկում Երևանի քաղաքապետարանը չի դիտարկում: «Միաժամանակ տեղեկացնեմ, որ հետագայում, միասնական տոմսային համակարգի ամբողջական ներդրման, տրանսպորտային ցանցի բարելավման և տեխնիկական հագեցվածության ամբողջական ապահովման պարագայում կդիտարկվեն ինչպես ուղեվարձի գնային քաղաքականությունը, այնպես էլ ուղեվարձի փաթեթային (պայմանական՝ օրական, շաբաթական, ամսական և այլն) տարբերակները և սոցիալական տարբեր շերտերին առնչվող հարցեր: Ցանկացած նման նախաձեռնության վերաբերյալ (քննարկումներ, հանրային լսումներ և այլն) Երևանի քաղաքապետարանի կողմից կապահովվի պաշտոնական իրազեկում»,- գրել է Կոստանյանը։ Ավելի վաղ «Լուսավոր Հայաստան» կուսակցության փոխնախագահ Դավիթ Խաժակյանը ֆեյսբուքյան ուղիղ եթերում հայտարարել էր, որ Երևանի […]
-
ՔՊ-ական պատգամավորները մանիպուլացնում են Ալավերդիի ավագանիում գործընթացները մեկնաբանելիս
Անի Գրիգորյան, #CivilNetCheck Ալավերդի համայքնի ավագանու 27 անդամից 14-ը դեկտեմբերի 5-ին գաղտնի քվեարկությամբ անվստահություն հայտնեցին համայնքի ղեկավար Արկադի Թամազյանին։ «Ապրելու երկիր» կուսակցությունից համայնքապետ Թամազյանին անվստահության հայտնելու գործընթացը նախաձեռնել էին Ալավերդիի ավագանու «Քաղաքացիական պայմանագիր» խմբակցության անդամները։ Քաղաքացիական պայմանագրի մի շարք ներկայացուցիչներ, այդ թվում՝ պատգամավորներ, վերջին օրերին հայտարարություններ են տարածում՝ պնդելով, թե Արկադի Թամազյանին չեն վստահում անգամ իր խմբակցության անդամները, որոնք շաբաթներ առաջ էին համայնքապետին անվստահություն հայտնելու գործընթաց նախաձեռնել։ Նմանաբովանդակ գրառմամբ ֆեյսբուքյան իր էջում հանդես է եկել ՔՊ-ական պատգամավոր Գևորգ Պապոյանը. «Այսպիսով ստացվում է, որ Արկադի Թամազյանին պաշտոնանկ անելու նախագծի տակ ստորագրել են ավագանու 27 անդամներից 23-ը, այսինքն՝ Թամազյանին վստահում է ավագանու […]
-
Լավրովն ու Բայրամովը քննարկել են Բաքվի և Երևանի հարաբերությունների կարգավորումը
Ռուսաստանի և Ադրբեջանի արտաքին գործերի նախարարներ Սերգեյ Լավրովն ու Ջեյհուն Բայրամովը քննարկել են Բաքվի և Երևանի միջև հարաբերությունների կարգավորման հարցը։ Ռուսաստանի ԱԳՆ-ից հայտնում են, որ Լավրով-Բայրամով երկկողմ հանդիպումը կայացել է մերձկասպյան պետությունների ԱԳ նախարարների խորհրդի նիստի շրջանակներում։ «Տարածաշրջանային հարցերի քննարկման համատեքստում հաստատվել է 2020-2022 թվականների համար ամենաբարձր մակարդակով եռակողմ պայմանավորվածությունների հիման վրա Ադրբեջանի և Հայաստանի միջև հարաբերությունների կարգավորմանն ուղղված ջանքերի ավելացման անհրաժեշտությունը»,- ասված է ռուսական կողմի հաղորդագրությունում։ ԱԳՆ ղեկավարները քննարկել են նաև Ռուսաստանի և Ադրբեջանի միջև դաշնակցային համագործակցության մասին 2022-ի փետրվարի 22-ի հռչակագրի դրույթների կատարման հարցը։
