Երևանի բուսաբանական այգին՝ ընկերների աջակցության սպասումով

Երևանի բուսաբանական այգին կանգնած է լուրջ խնդիրների առջև։ Տարիներ շարունակ այգու համար ներդրումներ չեն կատարվել, ինչի հետևանքով մաշվել են ենթակառուցվածքները, ծառաթփային բուսականությունը։ Այգու տնօրենի ժամանակավոր պաշտոնակատար Արսեն Գասպարյանի խոսքով՝ պետք է հստակ քայլեր ձեռնարկել, այլապես կկորցնենք այգին ամբողջությամբ։ Այս և մյուս բոլոր խնդիրները լուծելու նպատակով ստեղծվել է «Բուսաբանական այգու ընկերը» հասարակական կազմակերպությունը, որի միջոցով անհատները կարող են ներդրում ունենալ այգում իրականացվելիք ծրագրերում։