Նիկոլ Փաշինյանը մեկնել է Կատար

Վարչապետ Նիկոլ Փաշինյանի գլխավորած կառավարական պատվիրակությունը հունիսի 13-ին երկօրյա պաշտոնական այցով մեկնել է Կատարի Պետություն, հաղորդում է վարչապետի պաշտոնական կայքը։

Դոհայի միջազգային օդանավակայանում վարչապետին դիմավորել է Կատարի Արտաքին գործերի պետական նախարար Սուլթան բն Սաադ Ալ-Մուրեյխին:

Փաշինյանը հանդիպումներ կունենա Կատարի Պետության բարձրագույն ղեկավարության հետ:

«Հանդիպումների օրակարգային հարցերը վերաբերելու են երկու երկրների միջև տարբեր ոլորտներում կապերի հետագա զարգացմանն ու հարաբերությունների ամրապնդմանը»,- ասված է հաղորդագրությունում։