Կոտայք․ շարժակազմը նորացվել է, բայց նոր գները չեն գոհացնում մարդկանց

Մեկ ամսից ավելի է, ինչ Կոտայքի մարզում բարձրացել է տրանսպորտի սակագինը։ Ավելի վաղ կայացած մրցույթում շահել է «Բարգավաճ Հայաստան» կուսակցության ղեկավար Գագիկ Ծառուկյանի որդու ընկերությունը։ Բնակիչները դժգոհ են բարձրացված փոխադրավարձից, իսկ ընկերությունից ասում են, թե նախկին սակագնով իրենց շարժակազմը շարքից արագ դուրս կգար։ Նախկինում Չարենցավանից Երևան և հակառակ ուղղությամբ մարդիկ ուղևորվում էին 350 դրամով, ներկայում՝ 500, Հրազդանից-Երևան երթուղին նախկին 500-ից դարձել է 700 դրամ, 600-ից էլ 700 է դարձել Ծաղկաձոր-Երևանը։ Աբովյան-Երևանը թանկացել է 100 դրամով՝ 200-ից դառնալով 300 դրամ։