Դատախազությունը հայտնում է, որ շտապբուժօգնության վճարված կանչերի տվյալները կրկնակի են մուտքագրվել են «Արմեդ» համակարգ՝ պետությունից ապօրինի ստանալով լրացուցիչ 23մլն դրամ։ Դեպքի առթիվ հարուցվել է քրեական գործ։
Մասնավորապես՝ ՀՀ պետական վերահսկողության ծառայության կողմից շտապբուժօգնությունում իրականացվել են 2018-2021թթ. տնտեսավորողների հետ կնքված բժշկական թվով 36 պայմանագրերի ուսումնասիրություն:
«2019-2021թթ.-ին պայմանագրային հիմքով 13 տնտեսվարողներին մատուցված ծառայությունների համար վճարված 9 503 կանչերի, ինչպես նաև քաղաքացիներին վճարովի հիմունքներով մատուցված այլ ծառայությունների համար վճարված 22 612 կանչերի ուսումնասիրության արդյունքում հայտնաբերվել է 2 005 դեպք, երբ «Շտապբուժօգնության» իրավասու պաշտոնատար անձանց կողմից ծառայության նկատմամբ անփույթ կամ անբարեխիղճ վերաբերմունքի հետևանքով՝ ծառայողական փաստաթուղթ հանդիսացող կանչի թերթիկները ճիշտ չեն լրացվել: Մասնավորապես՝ արդեն իսկ վճարված կանչերի համար թերթիկները կրկնակի մուտքագրվել են «Արմեդ» համակարգ՝ իբր պետպատվերի շրջանակներում իրականացվող ծառայություն: Դրա հիման վրա Պետական առողջապահական գործակալությունն ընկերությանը վճարել է լրացուցիչ ընդհանուր 23,2 մլն դրամ գումար»,- ասված է հաղորդագրությունում։