Հենրիխ Մխիթարյանը` դուբլի հեղինակ. Շախտյորը հերթական հաղթանակը տոնեց (տեսանյութ)

Ուկրաինայի առաջնության 4-րդ տուրի վերջին խաղում Դոնեցկի «Շախտյորը» հյուրընկալվելիս 4 անպատասխան գնդակ ուղարկեց Լուցկի «Վոլինին»: Հայաստանի հավաքականի առաջատար Հենրիխ Մխիթարյանը «հանքափորների» մեկնարկային կազմում էր և դրաձավ դուբլի հեղինակ:

Հանդիպման 10-րդ րոպեին Դևիչն առաջ մղեց հյուրերին, իսկ 32-րդ րոպեին Հենրիխ Մխիթարյանը, միայնակ դուրս գալով դարպասապահի առջև, կրկնապատկեց հաշիվը: 42-րդ րոպեին Տեյշեյրան խփեց «Շախտյորի» 3-րդ գոլը:

Երկրորդ խաղակեսի մեկնարկից 6 րոպե անց Հենրիխն իր 2-րդ գոլը խփեց` հաշիվը դարձնելով 4:0:

Նշենք, որ Ուկրաինայի ընթացիկ առաջնությունում անցկացրած 4 խաղում Մխիթարյանն իր 5-րդ գոլը խփեց և գլխավորեց ռմբարկուների աղյուսակը:

Մարզական գործընկեր` SportArmenia.com

http://youtu.be/WPpl6jyqkEg

http://youtu.be/d6LVEO7qZqY