Իրանի հոգևոր առաջնորդ Ալի Խամենեին Թուրքիայի նախագահ Ռեջեփ Թայիփ Էրդողանի հետ հանդիպմանը հայտարարել է, որ Իրանը դեմ կլինի Իրանի ու Հայաստանի միջև սահմանի արգելափակման քաղաքականությանը: Այս մասին հայտնում է իրանական ISNA գործակալությունը։
«Մենք ուրախ ենք, որ Ղարաբաղը վերադարձվել է Ադրբեջանի կազմ։ Իհարկե, եթե լինի Իրանի ու Հայաստանի միջև սահմանի արգելափակման քաղաքականություն, Իսլմական հանրապետությունը դեմ կլինի դրան, որովհետև այդ սահմանը համարվում է կոմունիկացիոն երթուղի, որը հազարավոր տարիներ եղել է»,- ասել է Խամենեին։
***
Այսօր՝ հուլիսի 19-ին, Թեհրանում նախատեսված է Ռուսաստանի, Իրանի և Թուրքիայի նախագահների եռակողմ հանդիպումը։ Բացի եռակողմից, երկրների ղեկավարները երկկողմ ձևաչափերով հանդիպումներ կանցկացնեն։