Մասիսի քաղաքապետարան զինված ներխուժած անձն ինքնասպան է եղել, հայտնում է ՀՀ ոստիկանությունը։
«Մասիսի քաղաքապետարան զինված ներխուժած անձի հետ բանակցությունների ընթացքում հնչել են կրակոցներ:
Ոստիկանության հատուկ նշանակության վարչության ծառայողները՝ ՀՀ ոստիկանության պետի առաջին տեղակալ Արամ Հովհաննիսյանի գլխավորությամբ, մտել են ներս և հայտնաբերել 36 տարեկան Էդվարդ Մարգարյանի դին՝ գլխի շրջանում հրազենային վնասվածքով: Նա ինքնասպան է եղել»,- նշված է հաղորդագրության մեջ։
Ոստիկանների շրջանում զոհեր կամ վիրավորներ չկան:
Օգոստոսի 19-ի երեկոյան լրատվամիջոցները հայտնել են, որ Մասիսի քաղաքապետարան զինված քաղաքացի է մուտք գործել։
