Հայաստանի վարչապետ Նիկոլ Փաշինյանը օգոստոսի 25-ին աշխատանքային այցով կմեկնի Ղրղզստան՝ մասնակցելու Եվրասիական տնտեսական միության միջկառավարական խորհրդի հերթական նիստին։
Այս մասին «Արմենպրես»-ին հայտնել են վարչապետի աշխատակազմի տեղեկատվության և հասարակայնության հետ կապերի վարչությունից:
Ավելի վաղ կառավարությունից տեղեկացրել էին, որ գործադիրի հերթական նիստը կկայանա չորեքշաբթի՝ օգոստոսի 24-ին: Որպես կանոն, կառավարության նիստերը տեղի են ունենում հինգշաբթի օրերին։