Հայաստանի Ազգային ժողովի պատգամավորներ Էդուարդ Աղաջանյանն ու Արմեն Գևորգյանը կմեկնեն Թուրքիայի Իզմիր քաղաք՝ մասնակցելու Եվրոպայի խորհրդի խորհրդարանական վեհաժողովի (ԵԽԽՎ) սոցիալական, առողջապահության և կայուն զարգացման հարցերի հանձնաժողովի նիստի աշխատանքներին:
Պատգամավորներին Թուրքիա գործուղելու մասին կարգադրություն է ստորագրել ԱԺ նախագահ Ալեն Սիմոնյանը։
ԵԽԽՎ հանձնաժողովի նիստն անցկացվելու է սեպտեմբերի 21-24-ը: