Կովկասի հարցերով բանակցություններում ԱՄՆ պետքարտուղարի գլխավոր խորհրդական, ԵԱՀԿ Մինսկի խմբի ԱՄՆ համանախագահ Ֆիլիպ Ռիկերը Բաքվում հանդիպել է Ադրբեջանի նախագահ Իլհամ Ալիևի հետ, հայտնում է Ադրբեջանում ԱՄՆ դեսպանությունը։
«Դեսպան Ռիկերն ընդգծել է պետքարտուղար Բլինկենի հայտարարությունը, որ հակամարտության ռազմական լուծում չի կարող լինել: Նա Ադրբեջանին և Հայաստանին կոչ է արել ակտիվացնել իրենց դիվանագիտական փոխգործակցությունը՝ հանուն համապարփակ խաղաղության համաձայնագրի»,- ասված է հայտարարությունում։
Ambassador Reeker met with President Aliyev and underscored Secretary Blinken’s statement that there can be no military solution to the conflict and urged Azerbaijan and Armenia to intensify their diplomatic engagement and achieve a comprehensive peace agreement. pic.twitter.com/qFI0WzJ875
— U.S. Embassy Baku (@USEmbassyBaku) September 13, 2022
Ֆիլիպ Ռիկերը տարածաշրջանային այցով Հարավային Կովկասում է։ Սեպտեմբերի 8-10-ը նա բարձր մակարդակի հանդիպումներ է ունեցել Երևանում, որից հետո մեկնել է Թբիլիսի։ Սեպտեմբերի 12-ին լուրեր էին շրջանառվում այն մասին, որ Ռիկերը, հնարավոր է, չմեկնի Բաքու։