«Վորսսկլայի» հետ խաղից հետո, որում «Շախտյորը» հաղթեց 4։1 հաշվով, իսկ Հայաստանի հավաքականի կիսապաշտպան Հենրիխ Մխիթարյանը դուբլ գրանցեց իր անվան դիմաց, ակումբի պաշտոնական կայքի լրագրողը փորձել է պարզել Հենրիխի նման հաջողության գաղտնիքը։
-Հենրիխ, ինչու՞ «Վորսկլային» այսօր չհաջողվեց ցուցադրել իր հայտնի բնավորությունը։
-Առաջին պատճառն այն է, որ «Շախտյորը» հիմա լավ մարզավիճակում է, իսկ երկրորդը՝ պոլտովացիներն, իրոք, նախորդ տարվա համեմատ թույլ էին։ Կարծում եմ, որ նրանք պարզապես պատրաստ չէին նման խաղի։
-7 գնդակ 5 խաղում, քի՞չ է, թե՞ շատ։
-Քիչ է, պետք է ավելի շատ խփել։ Կարևորը, որ մյուս խաղերում էլ նույնը ստացվի, քանի որ դա օգուտ կբերի ինչպես թիմին, այնպես էլ ինձ։
-Սա այս մրցաշրջանում արդեն քո երրորդ դուբլն է։ Ո՞րն ամենաշատը հիշվեց։
-Աստված տա, վերջինը չլինի։ Հուսով եմ ավելի շատ դուբլեր կլինեն։
-Խաղերից ո՞րում դուբլդ ամենադժվարը ստացվեց։
-Ամենադժվարն ու ամենակարևորը դեռ առջևում է։
-Հարձակվողի դիրքում քեզ ո՞նց էիր զգում։
-Փորձում էի և՛ հարձակվողի դիրքում խաղալ, և՛ օգնել կիսապաշտպանությանը, և՛ պաշտպաններին։ Միսթերը կասի, թե ոնց էի խաղում (ծիծաղում է)։
