Հայաստանի հավաքականի և Կրասնոդարի համանուն թիմի առաջատար հարձակվող Յուրա Մովսիսյանը ծավալուն հարցազրույց է տվել Sovsport-ին, որի մի հետաքրքիր հատվածը ներկայացնում ենք մեր ընթերցողին:
–Ոմանց համար Հոլիվուդում հայտնվելը երազանքներիգագաթնակետն է, իսկ Դուք այնտեղից տեղափոխվեցիք դանիական«Ռանդերս»:
-Յուրաքանչյուր ֆուտբոլիստ էլ հասկանում է, որ իրեն դրսևորելու համար հարկավոր է ուժերը փորձել Եվրոպայում: Առանց երկմտելու գնացի Դանիա: Ես շատ եմ սիրում Լոս Անջելեսը, բայց ի՞նչ է Հոլիվուդը: Ընդամենը մի շրջան և գրություն լեռան վրա:
–Եվ կաբրիոլետներով ընթացող աստղեր…
-Կանգնած էի լուսաֆորի տակ: Շրջվեցի, տեսնեմ կողքի մեքենայի ղեկին Անջելինա Ջոլին է: Բազմիցս հանդիպել եմ հոլիվուդյան աստղերին: Տարօրինակ զգացողություն է. սովորել ենք նրանց հեռուստացույցով տեսնել, ոչ թե սուպերմարկետում առևտուր անելիս: Մյուս կողմից թեթևություն ես զգում, երբ հասկանում ես, որ նրանք էլ մեր նման սովորական մարդիկ են:
-Գուցե և Դուք սովորական եք, բայց Ձեզ հետ իսկական հոլիվուդյանժպիտ եք բերել: Պրեմիեր լիգայում ուրիշ ոչ ոք այդպես չի ժպտում:
-Այ քեզ, հետաքրքիր է (ծիծաղում է):
–Ռուսաստանում նման բաներն աչք են ծակում:
-Թվում է` այստեղ բոլորը փոքր-ինչ լարված են, ինչ-որ տարօրինակ մտահոգություններ ունեն: Չեմ էլ պատկերացնում` ինչի հետ է դա կապված:
–Վերադառնալով Հոլիվուդին` եթե Ձեր մասին ֆիլմ նկարահանեին,ո՞ւմ կնախընտրեիք գլխավոր դերում:
-Ռոբերտ Դե Նիրոյին, միանշանակ (ժպտում է): Նա իմ սիրած դերասաններից է: Միայն թե մտավախություն ունեմ, որ նրանից կարգին ֆուտբոլիստ դուրս չի գա, այնպես որ երևի հրաժարվեմ այդ մտքից. ֆուտբոլի մասին ֆիլմ, իսկ գլխավոր հերոսն ընդհանրապես ֆուտբոլ խաղալ չգիտի: Ոչ, այդպես չի լինի:
