Սեպտեմբերի 25-ի ՏԻՄ ընտրություններից հետո Սիսիանում կայացած ավագանու առաջին նիստում համայնքի ղեկավար ընտրվեց «Քաղաքացիական պայմանագիր» կուսակցության անդամ Արմեն Հակոբջանյանը։
Քաղաքապետի պաշտոնի համար առաջադրվել էր 3 թեկնածու, որոնցից որևէ մեկը չկարողացավ առաջին փուլով ստանալ ավագանու ձայների մեծամասնությունը։ ՔՊ-ի ներկայացուցիչը քաղաքապետ ընտրվեց երկրորդ փուլով։
Սիսիանում մոտ 20 տոկոս ձայն հավաքած «Ապրելու երկիր» կուսակցությունը չէր մասնակցում ավագանու առաջին նիստին։
Սեպտեմբերի 25-ին Սիսիանում անցկացված ՏԻՄ ընտրություններում «Քաղաքացիական պայմանագիրը» ստացել էր ամենից շատ քվեները՝ 34,57 տոկոս։ Միանձնյա համայնքային իշխանություն ձևավորելու համար, սակայն, կուսակցությանը անհրաժեշտ էր հավաքել ձայների 50 և ավելի տոկոսը։
Սիսիանում ընտրողների ձայները բաշխվել էին հետևյալ համամասնությամբ՝
«Մեկ Հայաստան» – 979 (8,26 %)
«Քաղաքացիական պայմանագիր» – 4 093 (34,57 %) – Արմեն Հակոբջանյանի թեկնածությունը
«Աշխատանք և արդարություն» դաշինք – 2 693 (22,74 %) – Հայկ Առաքելյան
«Զարգացող համայնք» դաշինք – 570 (4,8 %)
«Ապրելու երկիր» – 2 307 (19,48 %) – ներկա չէ
ՀՅԴ – 403 (3,4 %)
«Հանուն հանրապետության ժողովրդավարության պաշտպանների դաշինք» կուսակցություն – 794 (6,7 %)
