ՊՆ-ն հերքում է ադրբեջանական դիրքերի վրա կրակելու լուրը

Հայաստանի պաշտպանության նախարարությունը հերքում է ադրբեջանական դիրքերի ուղղությամբ կրակելու տեղեկությունը։

«Ադրբեջանի պաշտպանության նախարարության տարածած հաղորդագրությունն այն մասին, թե իբր հոկտեմբերի 12-ին՝ ժամը 12:30-ի սահմաններում, ՀՀ ԶՈւ ստորաբաժանումները կրակ են բացել հայ-ադրբեջանական սահմանի արևելյան ուղղությամբ շինարարական աշխատանքներ իրականացնող տեխնիկայի ուղղությամբ, հերթական ապատեղեկատվությունն է»,- ասված է հաղորդագրությունում։

Ավելի վաղ Հայաստանի պաշտպանական գերատեսչությունից հայտնել էին, որ հենց ադրբեջանական կողմն է կրակել սահմանի արևելյան հատվածում տեղակայված հայկական դիրքերի ուղղությամբ։