Հայաստանի ու Թուրքիայի ներկայացուցիչներն այսուհետ կհանդիպեն Երևանում ու Անկարայում․ Չավուշօղլու

Այս պահին Հայաստանի հետ համաձայնագրի նախագիծ չունենք: Մենք քննարկում ենք այն, թե ինչ քայլեր կարող ենք անել հարաբերությունների կարգավորման համար և քայլեր ենք անում․ հոկտեմբերի 14-ին հայտարարել է Թուրքիայի ԱԳՆ ղեկավար Մևլյութ Չավուշօղլուն Կատարի իր պաշտոնակից Շեյխ Մոհամմադ բին Աբդուռահման ալ-Սանիի հետ հանդիպմանը:

Չավուշօղլուն հայտարարել է նաև, որ «այսուհետև հանդիպումները տեղի են ունենալու Թուրքիայում և Հայաստանում»: 

«Մենք Հայաստանի հետ հարաբերությունների կարգավորման հարցում անկեղծ ենք, և այդ բոլոր հարցերում առաջ ենք շարժվում Ադրբեջանի հետ միասին», - միտքն ամփոփել է Չավուշօղլուն:

Թուրքիայի նախագահ Ռեջեփ Թայիփ Էրդողանը Աստանայից վերադարձի ճանապարհին խոսելով Հայաստանի հետ հարաբերությունների մասին՝ նշել է, որ «անձամբ Զանգեզուրի միջանցքի բացման հետ կապված որևէ խոչընդոտ չի տեսնում»: 

https://civilnet.am/news/678632/%d5%ad%d5%a1%d5%b2%d5%a1%d5%b2%d5%b8%d6%82%d5%a9%d5%b5%d5%a1%d5%b6-%d5%ba%d5%a1%d5%b5%d5%b4%d5%a1%d5%b6%d5%a1%d5%a3%d6%80%d5%ab-%d5%bd%d5%af%d5%a6%d5%a2%d5%b8%d6%82%d5%b6%d6%84%d5%b6%d5%a5%d6%80%d5%ab-%d5%b7%d5%b8%d6%82%d6%80%d5%bb-%d5%b0%d5%a1%d5%b4%d5%a1%d5%b1%d5%a1%d5%b5%d5%b6%d5%b8%d6%82%d5%a9%d5%b5%d5%b8%d6%82%d5%b6-%d5%af%d5%a1-%d5%a1%d5%b5%d5%aa%d5%b4-%d5%ba%d5%a5%d5%bf%d6%84-%d5%a7-%d5%a4%d5%a1-%d5%af%d5%b5%d5%a1%d5%b6%d6%84%d5%ab-%d5%af%d5%b8%d5%b9%d5%a5%d5%ac%e2%80%a4-%d5%b9%d5%a1%d5%be%d5%b8%d6%82%d5%b7%d6%85%d5%b2%d5%ac%d5%b8%d6%82/

Գեորգի Միրզաբեկյան