Նորվեգիայի արտգործնախարարը կայցելի Հայաստան

Նորվեգիայի արտաքին գործերի նախարար Անիկեն Հյուիտֆելդը հոկտեմբերի 16-19-ը կայցելի Վրաստան և Հայաստան, հայտնում է Նորվեգիայի կառավարության կայքը։

Երևանում Նորվեգիայի ԱԳ նախարարը հանդիպումներ կունենա վարչապետ Նիկոլ Փաշինյանի, արտգործնախարար Արարատ Միրզոյանի և Ազգային ժողովի նախագահ Ալեն Սիմոնյանի հետ։

Հաղորդագրությունում ասվում է, որ Նորվեգիայի ԱԳՆ ղեկավարը Հայաստան է այցելում «երկրի համար ծանր պահին»։

«Տարածաշրջանում լարվածությունը մակարդակը բարձր է ինչպես Հայաստանի և Ադրբեջանի միջև հակամարտության, այնպես էլ ռուս-ուկրաինական պատերազմի պատճառով։ Իր բանակցություններում Հյուիտֆելդը կուսումնասիրի ուղիներ, որոնցով Նորվեգիան կարող է աջակցել կարևոր բարեփոխումներին»,- հաղորդում է նորվեգական կողմը։

Նորվեգիայի արտգործնախարարը Հայաստանում հանդիպելու է նաև քաղաքացիական հասարակության ներկայացուցիչների հետ։