«Հաջողության թաքնված կողմը». 181 էջ՝ նպատակին հասնելու մասին

Մասնագիտական կողմնորոշում, անձնային աճ և փոփոխություններ հասարակության մեջ. այս մասին ենք զրուցել մարքեթոլոգ, բիզնես թրեյներ Գոռ Կարապետյանի հետ։ Հոկտեմբերի 23-ին տեղի է ունենալու նրա հեղինակած՝ «Հաջողության թաքնված կողմը» գրքի շնորհանդեսը, որում նա սեփական օրինակով ներկայացնում է հաջողության հասնելու ճանապարհը, բացում հաջողության այն կողմը, որը հաճախ մարդիկ անտեսում են: Գոռ Կարապետյանը վստահ է, որ հաջողության կարելի է հասնել ցանկացած տարիքում, միայն թե չպետք է դադարել սովորել և ինքնազարգանալ։