RT հեռուստաալիքի և Россия сегодня գործակալության գլխավոր խմբագիր Մարգարիտա Սիմոնյանի մուտքը Հայաստան արգելվել է։
«ՀՀ ներկայիս ղեկավարն արգելել է երկար տարիներ Հայաստանին աջակցող Կոնստանտին Զատուլինի մուտքը Հայաստան։ Ի դեպ, իմը նույնպես»,- Թվիթերի իր էջում գրել է Սիմոնյանը։
Константину Затулину, много лет яростно поддерживающему Армению, нынешний начальник Армении запретил въезд в Армению.
Мне, кстати, тоже.
Красаучик жи есть, что тут еще скажешь.
— Маргарита Симоньян (@M_Simonyan) October 25, 2022
Հայաստանի ազգային անվտանգության ծառայությունից ՍիվիլՆեթի հետ զրույցում ոչ հերքեցին, ոչ հաստատեցին Մարգարիտա Սիմոնյանի մուտքը Հայաստան արգելելու տեղեկությունը։
Ավելի վաղ արգելվել էր ՌԴ Պետդումայի պատգամավոր Կոնստանտին Զատուլինի մուտքը Հայաստան: Ազգային ժողովի աշխատակազմի արտաքին կապերի վարչության պետ Տիգրան Սեյրանյանը ԱԺ ղեկավարության անունից գրություն է ուղարկել Զատուլինին, որում նշվում է, որ Հայաստանի Հանրապետության հասցեին նրա վերջին հրապարակային հայտարարությունները վնասում են երկու պետությունների միջև բարեկամական և դաշնակցային հարաբերությունների զարգացմանը։