Օգոստոսի 25-ին Գերմանիայի մայրաքղաք Բեռլինի O2 մարզահամալիրում կայանալիք Արթուր Աբրահամ – Ռոբերտ Շտիգլից չեմպիոնական մենամարտից առաջ հայազգի պրոֆեսիոնալ բռնցքամարտիկը պատասխանել է Boxingscene-ի լրագրողի հարցերին:
-Վերջին մարտում մրցավարներիորոշմամբ հաղթեցիք ՊյոտրՎիլշևսկուն, ի՞նչ դասեր քաղեցիք այդ մարտից:
-Հասկացա, որ պետք է ավելի հաճախ հարվածեմ մրցակցիս, որ նա վերականգնվելու ժամանակ չունենա: Բացի այդ, պետք է ավելի լավ աշխատեմ ոտքերով և ձախ ձեռքս շատ օգտագործեմ:
–Ձեր առաջիկա մրցակիցը WBO տարբերակով աշխարհի չեմպիոնՌոբերտ Շտիգլիցն է: Որո՞նք են նրա ուժեղ կողմերը:
-Ռոբերտը կայացած բռնցքամարտիկ է: Նա երկու ձեռքով էլ լավ հարվածների է տիրապետում և միշտ շատ արագ է շարժվում ռինգում: Գիտեմ, որ պետք է շատ զգոն լինեմ նրա հետ մենամարտելու ժամանակ:
–Մամուլում անընդհատ խոսվում է, որ այս մարտը ճակատագրականէ Ձեր համար, որ «ամեն ինչ կամ ոչինչ» սկզբունքով եք ռինգ դուրսգալու: Եթե այդպես է, ապա ինչպե՞ս եք դիմանալու այդ ճնշմանը:
-Անկասկած, այս մարտը որոշիչ է ինձ համար: Ես պարտավոր եմ հաղթել, այլ տարբերակ չի կարող լինել: Իսկապես, շատ մեծ ճնշում կա ինձ վրա, բայց փորձս կօգնի հաղթահարել այն:
-Ձեր ապագայից կխոսե՞ք, ի՞նչ եք պատրաստվում անել առաջիկա տարիներին:
-Առաջին հերթին ցանկանում եմ հաղթել օգոստոսի 25-ի չեմպիոնական մարտը, որից հետո մի քանի անգամ պաշտպանել տիտղոսս: Երբ կդառնամ 35 տարեկան, այն ժամանակ կմտածեմ կարիերաս ավարտելու մասին:
-Ձեր կանխատեսումը. Ի՞նչպես կավարտվի Շտիգլիցի հետ մենամարտը:
Պատրաստվում եմ վստահ հաղթանակ տանել: Դա անհրաժեշտ է թե՛ ինձ, թե՛ երկրպագուներիս: Բռնցքամարտում կանխատեսումներ անելը բարդ է, բայց ես ու մարզիչս ամեն ինչ արել ենք, որ այդ մարտի հաղթողը ես լինեմ: