Ադրբեջանը 10 հայ զինծառայողների մարմիններ է հանձնել հայկական կողմին: Տեղեկությունը «Լուրերի» հետ զրույցում հայտնել է ՀՀ ՊՆ մամուլի քարտուղար Արամ Թորոսյանը։
Վարչապետ Նիկոլ Փաշինյանը հոկտեմբերի 14-ին Աստանայում՝ ԱՊՀ պետությունների ղեկավարների խորհրդի հերթական նիստում, հայտարարեց, որ «պայմանավորվածություն կա կազմակերպել դիերի դուրսբերումը մոտ օրերս»։
Ավելի ուշ՝ հոկտեմբերի 25-ին, Թվիթերի իր միկրոբլոգում Փաշինյանը գրեց, որ «սկսած սեպտեմբերի 14-ից՝ Ադրբեջանը տարբեր խոչընդոտներ է ստեղծում ադրբեջանական վերջին օկուպացիայի գոտում զոհված հայ զինվորների մարմինների որոնողական աշխատանքների համար»
Since 9/14 #Azerbaijan has been creating different obstacles for search operations of dead bodies of #Armenian soldiers in the zone of the latest Azerbaijani occupation. This is anti-humanistic and unacceptable behavior.
— Nikol Pashinyan (@NikolPashinyan) October 25, 2022
