Հայաստանի արտաքին գործերի նախարար Արարատ Միրզոյանը ցավակցություն է հայտնել Թուրքիայի արտգործնախարար Մևլութ Չավուշօղլուին Ստամբուլում տեղի ունեցած պայթյունի կապակցությամբ։
«Անկեղծ ցավակցությունս եմ հայտնում Ստամբուլում տեղի ունեցած պայթյունի զոհերի ընտանիքներին, իսկ վիրավորներին մաղթում եմ շուտափույթ ապաքինում»,- Թվիթերի իր էջում գրել է Միրզոյանը։
I express my sincere condolences to the families of victims of the deadly explosion in #Istanbul and wish a speedy recovery to the injured. @MevlutCavusoglu
— Ararat Mirzoyan (@AraratMirzoyan) November 14, 2022
Նոյեմբերի 13-ին Ստամբուլի Իսթիքլալ պողոտայում պայթյուն է որոտացել, որի հետևանքով զոհվել է 6, տուժել՝ 81 քաղաքացի։ Թուրքիայի իշխանությունները միջադեպը որակել են ահաբեկչություն։
