Սա խայտառակություն է, իշխանությունն իրականացնում է ապօրինի գույքի վերաբաշխում. Արթուր Սաքունց

Արդեն կան օրինակներ, որոնք խոսում են ապօրինի գույքի վերաբաշխման մասին. դրան մասնակցում է նաև քաղաքական իշխանությունը, սա խայտառակություն է․ ասում է Հելսինկյան քաղաքացիական ասամբլեայի Վանաձորի գրասենյակի ղեկավար, իրավապաշտպան Արթուր Սաքունցը ՍիվիլՆեթի Արշալույս Մղդեսյանի հետ զրույցում: Նրա խոսքով՝ Հայաստանի իշխանությունները հետքայլ են կատարում իրենց հիմնական քաղաքական հանձնառություններից, որոնք են՝ դատաիրավական համակարգի բարեփոխումները, անցումային արդարադատության մեխանիզմների ներդրումը և կոռուպցիայի դեմ պայքարը: