Ծեծվել ու լռե՞լ․ կանանց նկատմամբ բռնությունն ու «ավանդույթները»

Նոյեմբերի 25-ը կանանց նկատմամբ բռնության վերացման օրն է։ Կանանց նկատմամբ բռնությունների զգալի մասը տեղի է ունենում ընտանիքում։ ՀՀ Քննչական կոմիտեի վարույթում միայն 2022-ի առաջին կիսամյակի ընթացքում քննվել է ընտանեկան բռնության վերաբերյալ 391 քրեական գործ, որոնցից 183-ը նախատեսված ծեծի, 51-ը նախատեսված սպանության կամ առողջությանը ծանր վնաս պատճառելու կամ գույք ոչնչացնելու սպառնալիքի, 8-ը նախատեսված սպանության հոդվածներով։ 391 քրեական գործից մեղադրական եզրակացությամբ ավարտվել է 53-ը։