Քննչական կոմիտեի նախկին նախագահ Հայկ Գրիգորյանն Ազգային ժողովի 75 կողմ, 0 դեմ ձայներով ընտրվեց Բարձրագույն դատական խորհրդի անդամ։
Գրիգորյանի թեկնածությունն առաջադրել էր «Քաղաքացիական պայմանագիր» խմբակցությունը։
Հայկ Գրիգորյանն իր ելույթում նշել էր, որ ընտրվելու դեպքում պարտավորվում է պարտականություններն իրականացնել իրավունքի և օրենքի գերակայության սկզբունքների հիման վրա: Նա նկատել է, որ, ըստ ՀՀ Սահմանադրության՝ դատական իշխանության գործերին թե՛ ներքին, թե՛ արտաքին միջամտությունն արգելվում է:
Պատգամավորների հարցերին, թե ի՞նչ քայլեր է ձեռնարկելու նման միջամտությունները կանխարգելելու ու անկախ դատական համակարգ ապահովելու համար, Գրիգորյանը պատասխանել էր․ «ԲԴԽ անդամն ունի ներազդելու մեկ եղանակ, այդ թվում՝ դատաքննությունների ընթացքում տեղի ունեցած միջամտություններին. դա արդար քվեարկությունն է»։
