Ֆրանսիայի Հանրապետության Եվրոպայի և արտաքին գործերի նախարար Կատրին Կոլոննան հայտարարել է հոկտեմբերի 20-ից Հայաստանում տեղակայված ԵՄ դիտորդական առաքելության մանդատը շարունակելու անհրաժեշտության մասին։ Այդ հայտարարությունը Կոլոննան արել է դեկտեմբերի 6-ին կառավարություն-ԱԺ հարցուպատասխանի ժամանակ:
«Սահմանի մշտադիտարկման միջոցով առաքելությունն իսկապես սահմանափակել է էսկալացիայի վտանգը», – ասել է Կոլոննան:
Կոլոննայի խոսքով՝ Հայաստանի և Ադրբեջանի միջև լարվածությունը պահպանվում է։ Նախարարը վերահաստատել է Ֆրանսիայի և Եվրոպական Միության աջակցությունը Հայաստանին և խոստացել, որ շարունակական ջանքեր կգործադրի տարածաշրջանում խաղաղության հաստատման համար:
Conflit entre l'Azerbaïdjan et l'Arménie : "Les tensions restent vives", confirme @MinColonna.
Elle réaffirme le "soutien" de la France et de l'Union européenne à l'Arménie et promet de "continuer les efforts" pour un retour de la paix. #Arménie #Azerbaïdjan #DirectAN #QAG pic.twitter.com/lnghMgxKiO
— LCP (@LCP) December 6, 2022
***
Հոկտեմբերի 17-ին Եվրամիության Խորհուրդը որոշում էր կայացրել քաղաքացիական առաքելություն ուղարկել Հայաստան՝ Ադրբեջանի հետ սահմանի երկայնքով դիտորդական աշխատանքներ իրականացնելու նպատակով։
Որոշումը հաստատվել էր հոկտեմբերի 6-ին Պրահայում վարչապետ Նիկոլ Փաշինյանի, Ադրբեջանի նախագահ Իլհամ Ալիևի, Ֆրանսիայի նախագահ Էմանուել Մակրոնի և Եվրոպական խորհրդի նախագահ Շառլ Միշելի քառակողմ հանդիպման արդյունքում։ Առաքելությունը գործունեությունն սկսել է հոկտեմբերի 20-ից։
