Սայաթ-Նովայի երաժշտական դպրոցը ջրազրկել են․ խնդիրը՝ քաղաքապետարանի ու նախարարության խողովակներում

Երևանի Խորեոգրաֆիայի պետական թատրոնի տնօրենը ջրազրկել է Սայաթ-Նովայի անվան երաժշտական դպրոցը, պնդում է դպրոցի տնօրեն, դիրիժոր Տիգրան Հեքեքյանը։ Երրորդ շաբաթն է՝ դպրոցը ջուր չունի։ Հեքեքյանի խոսքով՝ դպրոցի վերանորոգման աշխատանքների ժամանակ վնասվել է թատրոնի առաստաղը, և թատրոնի տնօրենն այս ճանապարհով փորձում է գրավել քաղաքապետարանի ուշադրությունը։