Հայաստանը պետք է որոշում կայացնի, եթե չվերացվի Արցախի շրջափակումը. Վիլեն Գաբրիելյան

Ադրբեջանն իրականացնում է ահաբեկչական քաղաքականություն՝ 120 000 մարդու Արցախում փաստացի շրջափակման մեջ պահելով: Եթե այս քաղաքականությունը շարունակվի, Հայաստանը պետք է որոշում կայացնի և գնա քայլերի: Այս մասին ասում է ԱԺ «Քաղաքացիական պայմանագիր» խմբակցության պատգամավոր Վիլեն Գաբրիելյանը ՍիվիլՆեթի Արշալույս Մղդեսյանի հետ զրույցում: Ստեղծված իրավիճակում առաջին հերթին պետք է գործեն ՌԴ խաղաղապահները, քանի որ Լաչինի միջանցքի անխափան աշխատանքի ապահովումը նրանց ուղիղ պարտավորությունն է` համաձայնեցված 2020-ի նոյեմբերի 9-ի հայտարարությամբ: